Araka ny voalazan’ny Filoha Andry Rajoelina, tamin’ny kabariny tao amin’ny fanokafana ara-pomba ofisialy ny hetsika Seamless Middle East 2022, ny 31 mey lasa teo (ETO), dia hiaraka hiasa amin’ny Arab Federation for Digital Economy -na Federasiona Arabo ho an’ny Toe-karena Nomerika - ny firenena Malagasy. Ary dia nisy tokoa ny fanaovan-tsonia fifanarahana.
Satria ny Federasiona Arabo ho an’ny Toe-karena Nomerika dia mikendry ny hanohana ny governemanta sy fikambanana arabo sy iraisam-pirenena amin'ny ezaka ataon'izy ireo amin'ny fampandrosoana ny fiarahamoniny eo amin'ny sehatry ny fanovana nomerika.
Fa inona tokoa moa io Federasiona Arabo ho an’ny Toe-karena Nomerika io ?
Ny Federasiona Arabo ho an’ny Toe-karena Nomerika dia fikambanana Arabo mikambana amin'ny Ligy Arabo izay mikendry ny hanohana ny fampandrosoana mifandraika amin'ny sehatra sy ny fampiasana ny toekarena nomerika ao amin'ny tontolo Arabo sy iraisam-pirenena ihany koa.
Ireo tetika arahin’asa 50 ao amin’ny Vina Arabo eo amin’ny lafiny ara-toekarena nomerika
Ny Vina ara-toekarena nomerika arabo dia ahitana tetika arahin’asa miisa 50 hanohanana ny fanovana nomerika amin'ny sehatra manan-danja rehetra. Io ambony io ny tabilao amin’ny teny anglisy. Raha liana ianao mpamaky dia afaka mandika izany.
Iza moa Professor Dr Ali M. Al-Khouri ?
Professor Dr. Ali M. Al-Khouri dia Mpanolotsaina ao amin'ny Filankevitry ny Firaisankina ara-toekarena Arabo, Filohan'ny Federasiona Arabo ho an’ny Toe-karena Nomerika, ary Mpikambana ao amin'ny Birao Mpanatanteraka ny Federasiona manokana an'ny Ligy Arabo.
Professor Dr. Al-Khouri dia manana traikefa feno nandritra ny 28 taona mahery izay nandraisany anjara tamin'ny fampiharana ireo hetsika sy stratejia maro eo amin'ny sehatry ny daholobe.
Mpanolo-tsaina sy mpikambana ao amin'ny komity amin'ny andrim-panjakana iraisam-pirenena isan-karazany izy, anisan'izany ny Firenena Mikambana, ny Vondrona Eoropeana ary ny World Economic Forum. Mpikambana mavitrika ao amin'ny birao mpanolo-tsaina maro amin'ireo andrim-panjakana iraisam-pirenena sy vondronam-piasana liana amin'ny fampandrosoana ny fiaraha-monina fahalalana maharitra izy.
Anisan'ny hetsika vao haingana izay nitanany anjara toerana lehibe ny Arab Digital Economy Vision hanohanana ny fanovana nomerika amin'ny faritra vao misondrotra ao amin'ny faritra Arabo sy ny drafitry ny toekarena nomerika ho an'ireo firenena any Afrika Andrefana (ECOWAS).
Professor Dr. Al-Khouri dia ekena eo amin'ny firenena sy iraisam-pirenena ho toy ny toeram-pandinihana, ary koa noho ny fahaizany mitantana sy ny fahalalany ara-teknika, namolavola fomba fiasa sy rafitra ara-tsaina samihafa hanohanana ireo sehatra fanao isan-karazany.
Namoaka boky momba ny fitantanana sy lahatsoratra fikarohana siantifika maherin'ny 140 ao amin'ny gazety iraisam-pirenena nohadihadiana izy.
Tamin'ny taona 2018izy dia tafiditra ho an’isan’ireo olona 100 mahery indrindra eran'izao tontolo izao amin'ny governemanta nomerika, ao amin'ny lisitra navoakan'ny “ Apolitical ”, novatsian'ny Vaomiera Eoropeana sy ny World Economic Forum ary koa ireo fikambanana iraisam-pirenena hafa, anisan'izany ny governemanta.
Professor Dr. Al Khouri dia Profesora sady mpiara-miasa ao amin'ny British Institute of Technology any London, UK, ary manana mari-pahaizana avy amin'ireo andrim-pampianarana ambony any UK : Manchester, Lancaster ary Warwick Universities.
Araka ny voalazan’ny Filoha Andry Rajoelina, dia “miroso hatrany isika ary ny tanjona dia hanana karapanondro nomerika avokoa ny Malagasy tsirairay hahafahany misitraka ny zo maha olom-pirenena azy. Isan’ireo sehatra ho voakasik’izany ihany koa ny fampianarana, ny fahasalamana, ny fambolena, fa indrindra ny fitantanana ny fananan-tany mba hadio sy hangarahara ary lavitry ny kolikoly”. Ary resy lahatra misy ny Filoha Rajoelina nanambara tsy niambahamba fa: “ny firosoana amin'ny ekonomia nomerika no lalan-tokana hanatrarana ny tena fampandrosoana”.
Jeannot Ramambazafy - 1 jona 2022