Maninona tokoa moa no Ramatoa Harilala Ramanantsoa, Numéro, 7 no ho fidiako ho Ben’ny Tanà nan’ny Renivohitr’i Madagasikara ? Raha laozan’ny sasany manaratsy sy mifanaratsy isaky ny manoka-bava, ny an’ny numéro 7 kosa dia praograman’asa azo tontosaina no resahiny fa tsy revin-gadra sy lainga manambany sy mampisara-bazana ny Malagasy.
Amin’ny maha-olom-pirenena tsy mpitsoaka adidy ahy -izay vao mpanao gazety-, dia ny numéro 7 no ho fidiako amin’ny Alarobia 11 desambra 2024. Hitako daholo mantsy ny zava-niseho teto amin’ny Firenena, indrindra teto Antananarivo nanomboka ny taona 1972. Mora tokoa no mandrava fa tsy vitan’ny vava be sy ny fialana bala no manarina.
Fa izao : mandehana aloha mifidy raha ampy taona ; avy eo mahaiza mifidy fa ianao irery ihany no ao amin’ilay efitra kely ao, tsy hisy handrebireby.
Ho ahy manokana dia efa eo amin’i Ramatoa Harilala Ramanantsoa, numéro 7, no ho asiako lakroa eo aminy biletà tokana. Olon’ny fandrosoana sy manana traikefa eo amin’ny fitantà nan-draharaha ankapobeny izy, fa tsy olona vao hiana-draharaha ka ho rembin’ireo mpanao afera maloto amin’ny resaka kolikoly mamotika firenena.
Saika lafon-dry Ravalomanana mivady anie ry ireto ny zaridain’Antaninarenina, ny zaridaina ao Ambohijatovo sy ny zaridaina manoloana ny Esca eo Antanimena e ! Ny sisin-dà lana moa dia ireo hita maso ireo, valo taona aty aoriana. Ny resaka « récépissé » ana « permis de construire », ny taona 2016, aoka fotsiny. Misy porofo daholo izany fa ny ankehitriny aloha atrehina ary misy fotoanany ny zava-drehetra.
Jeannot Ramambazafy