Alatsinainy faha-1 Janoary 2024, 00 : 30. Tratra ilay taom-baovao nandrasana nandritra ny 12 volana. Tao ny nandao antsika tsy afaka nisafidy f’izay ny lahatra ; tao ireo tonga teto an-tany tsy nangataka izany. 8 miliara mahery izao ny isan-tsika olombelona ao amin’ireo kontinanta miisa enina (6) dia :
Afrique : misy firenena 54 ka anisay ny Nosintsika Madagasikara
Asie : misy firenena 48
Europe : misy firenena 44
Amérique latine sy Caraïbes : misy firenena 33
Océanie : misy firenena 14
Amérique du Nord : misy firenena 2 dia Canada sy Etats-Unis.
Ka inona moa izay olom-bitsy miana-kendry eo anatrehin’izany amaroana izany ?
Izaho manokana aloha, raha ny taona 1954 nahaterahako no raisina, dia feno 70 taona androany aho. Efa zokiolona tokoa leiretsy a ! Efa nahita sy niaina zavatra tranga maro maneran-tany. Ary mbola hitohy raha sitrak’Andriamanitra.
Ny any torohevitro raha te-hateza ?
Toa ranomanitra feno fihetseham-po io fiainana io, koa maninona no simbaina sy lotoina amina atezerana sy alahelo ?
Mitsikia, mihomeheza ary foano eo amin’ny fiainanao ireo rehetra izay hanamaloka ny endrikao ka hamono izany fitsikinao sy tsikinao izay.
Ataovy manodidina ny fiainanao mandavan-taona ny rehetra (na olona na ny tontolo iainanao) ampibalika ny tsikinao sy hampihitra ny fanahinao. Izay no atao dia ho tanora lalan-dava ianao.
Fa afaka tezitra kosa ianao fa fadio ny manota !
Dia arahabaina isika rehetra nahatratra ny taona 2024 e !
Jeannot RAMAMBAZAFY sy ny Ekipan'ny MADAGATE.ORG