Notontosaina teny amin’ny Carlton Anosy ny 25 novambra 2019 ny atrikasa fijerena ny fanamafisana ny fiara-miasa eo amin’ny firenena Sinoa sy Madagasikara nomena ny lohahevitra hoe : “Colloque sur le développement de la chine”.
Andriamatoa David Rajaon, Tale jeneralin'ny IEP
Niara-niasa akaiky tamin’ity hetsika ity ny avy ao amin’ny ivon-toeram-pampianarana sehatra politika IEP (“Institut d’Etude Politique”). Nampafantarin’ity farany nandritra izany ny maha zava-dehibe ny dingam-pampandrosoana nisy teo amin’ity firenena sinoa ity nahalasa lavitra io firenena io ka nahatonga azy ho firenen-dehibe faharoa eo amin’ny tanjaka ara-toekarena.
Ramatoa Yang Xiaorong, masoivohon'ny Chine miasa eto Madagasikara
Izany dia nohon’ny fazahoana tombony amin’ny fanà nana ny traikefa eo amin’ny fananganana ny “parc industriel”. Ho an’i Chine manokana dia tsy navelany ho azy irery izany traikefa izany fa naparitany eo amin’ireo firenena Afrikana izay miara-miasa aminy ka anisan’izany isika eto Madagasikara. Izy rahateo araka ny lahateny nataon’ny masoivoho sinoa miasa eto amintsika, Ramatoa Yang Xiaorong, dia firenena faharoa maneran-tany mahasintona mpampiasa vola.
Ramatoa Lantosoa Rakotomalala, minisitry ny Indostria sy ny Varotra
Mana-tombony manokana i Afrika noho izany fivoaran’i Chine izany, indrindra isika eto Madagasikara izay efa naharitra 47 taona niara-niasa ka nanamafisan’i Chine ny fahavononany hatrany, nandritra ny fivoriana FOCAC natao tanyBeijing. Raha ny eto Madagasikara indray dia efa misy ny vina izay hametrahana ny orinasa indostrialy eto Madagasikara ny taona 2020, araka ny fanazavana nomen’i Ramatoa Lantosoa Rakotomalala, minisitry ny Indostria sy ny Varotra.
Â
Hahazo vahana amin’izany ireo tanora sy vehivavy manana fahavonana amin’ny fananganana ny orinasa madinika sy salantsalany.
Andry Rakotonirainy